اداکار شاہنواز پردھان 56 برس کی عمر میں چل بسے

معروف ویب سیریز مرزا پور کے اداکار شاہنواز پردھان دل کا دورہ پڑنے کے سبب چل بسے۔ کئی ٹی وی ڈراموں اور فلموں میں اداکاری کے جوہر دکھانے والے شاہنواز جمعے کے روز دل کا دورہ پڑنے کے سبب 56 برس کی عمر میں انتقال کرگئے۔

اداکار شاہنواز پردھان کو ایوارڈز کی تقریب میں شرکت کے دوران دل میں تکلیف محسوس ہوئی جس پر انہیں فوری طبی امداد کے لئے نجی اسپتال منتقل کر دیا گیا جہاں وہ جانبر نہ ہو سکے۔

ٹی وی کا جانا مانا نام اداکارہ سُربھی تیواری نے بھارتی میڈیا سے گفتگو میں بتایا کہ وہ اسپتال میں اپنے بھائی کے علاج کے لیے موجود تھیں جب انہوں نے دیکھا کہ اسٹریچر پر شاہنواز کو لایا جارہا ہے انہیں فوراً ہی کمرے میں لے جایا گیا۔ انڈسٹری کے معروف اداکاروں نے شاہنواز کی اچانک موت پر گہرے دکھ اور افسوس کا اظہار کیا ہے۔

اپنا تبصرہ بھیجیں