شادی کے کارڈ چھپ گئے لیکن شادی نہ ہوسکی، سلمان خان

بالی ووڈ اداکار سلمان خان کے بقول ایک مشہور اداکارہ کے ساتھ انکی شادی کے کارڈز تک چھپ چکے تھے لیکن شادی نہ ہوسکی۔ 2013 میں ایک انٹرویو کے دوران سلمان خان نے اس راز سے پردہ اٹھایا تھا۔ انہوں نے بتایا تھا کہ کچھ بے وقوف مجھ سے یہ سوال کرتے ہیں کہ شادی کیوں نہیں کرتے؟ یہ میرے ہاتھ میں نہیں ہے، مجھے زندگی میں کئی مناسب لڑکیاں ملیں۔
سلمان خان نے بتایا کہ ایک وقت تھا جب میں شدت سے شادی کرنا چاہتا تھا۔ اسی دوران سنگیتا بجلانی کے ساتھ میری شادی کے کارڈز تک چھپ گئے تھے لیکن پھر شادی نہ ہوسکی۔ انہوں نے بتایا کہ وہ ہر مرتبہ شادی کے انتہائی قریب آجاتے لیکن پھر رشتہ ازدواج میں منسلک نہیں ہو پاتے۔ یہی وجہ ہے کہ سنگیتا کے ساتھ انکی شادی نہیں ہوسکی۔
سلمان خان نے مزید بتایا کہ جب بھی ان سے کوئی شادی کا سوال کرتا ہے تو انہیں الجھن ہوتی ہے۔ انکی زندگی میں کبھی کوئی گرل فرینڈ رہی ہی نہیں، یہی وجہ ہے کہ کبھی کسی لڑکی سے بریک اب نہیں کیا۔
خیال رہے کہ سنگیتا بجلانی نہ صرف بالی ووڈ اداکارہ ہیں بلکہ مِس انڈیا کی فاتح اور محمد اظہر الدین کی اہلیہ بھی رہیں لیکن 2010 میں سنگیتا اور اظہر الدین کے درمیان علیحدگی ہوگئی تھی۔