سینئر اداکار منگل دھلون چل بسے

بالی ووڈ انڈسٹری سے تعلق رکھنے والے سینئر اداکار چل بسے۔ میڈیا کے مطابق منگل دھلون کینسر کے مرض میں مبتلا تھے اور گزشتہ کئی روز سے شدید طبیعت بگڑنے کے باعث لدھیانہ کے اسپتال میں زیر علاج تھےتاہم آج صبح وہ جانبر نہ رہ سکے۔
انہوں نے’جنون‘ اور ’بنیاد‘ جیسی سپر ہٹ بالی وڈ فلموں سے مقبولیت پائی ۔ سینئر اداکار کے انتقال پر شوبز شخصیات سمیت ان کے مداحوں کی جانب سے گہرے دکھ اور افسوس کا اظہار کیا جارہا ہے۔ منگل دھلون نے بیک وقت فلم اور ٹیلی ویژن انڈسٹری دونوں کیلئے کام کیا،پیار کا دیوتا،رنبھومی، دل تیرا عاشق ، ٹرین ٹو پاکستان جیسی فلمیں منگل دھلون کے کیریئر کا حصہ ہیں۔
بالی وڈ میں انہوں نے جنون اور بنیاد جیسی فلموں سے شہرت پائی، اس کے علاوہ ان کے کیریئر میں ٹرین ٹو پاکستان، دل تیرا عاشق، رنبھومی سمیت کئی فلمیں شامل ہیں، انہوں نے ٹی وی پر بھی اپنی جاندار اداکاری کے جوہر دکھائے۔