فلسطینیوں کی حمایت! عثمان خواجہ ایک مرتبہ پھر سرگرم

آسٹریلوی کرکٹر عثمان خواجہ نے اسرائیل کی غزہ میں مظلوم فلسطینیوں پر دہشت گردی کو دنیا بھر میں اجاگر کرنے کیلئے کرکٹ آسٹریلیا اور آئی سی سی کو باضابطہ درخواست دی ہے۔ رپورٹس کے مطابق عثمان خواجہ نے پاکستان اور آسٹریلیا کے مابین سیریز کے دوسرے ٹسٹ میچ سے قبل اپنا پیغام پہنچانے کیلئے اجازت طلب کی ہے۔ پرتھ ٹسٹ میچ کے دوران بھی عثمان خواجہ نے سیاہ پٹی باندھ کر میچ میں شرکت کی تھی اور احتجاج ریکارڈ کروایا تھا۔ قبل ازیں پریکٹس سیشن کے دوران فلسطینیوں کے حق میں آواز بلند کرنے والے جوتے پہن کر فلسطینیوں کے حق میں نعرہ درج کیا تھا تاہم کرکٹ آسٹریلیا اور آئی سی سی نے ان کے اقدام پر پابندی عائد کردی تھی۔ آئی سی سی نے قوانین کے قوائد و ضوابط کو مدنظر رکھتے ہوئے عثمان خواجہ کو مبینہ سیاسی پیغام والے جوتے پہننے کی اجازت نہیں دی تھی جس پر کرکٹر نے سوشل میڈیا پر آئی سی سی کے فیصلے کے خلاف اپیل کرنے کا فیصلہ کیا تھا۔ خیال رہے کہ آئی سی سی ورلڈکپ کے دوران محمد رضوان نے فلسطینیوں کی حمایت کرتے ہوئے اپنا ایوارڈ بچوں اور بزرگوں کے نام کیا تھا جس پر اسرائیل نے ٹوئٹ ڈیلیٹ کرنے کا دباو¿ ڈالا تھا تاہم کرکٹر ثابت قدم رہے تھے۔