(ایجنسیز) برسبین ٹیسٹ میں ویسٹ انڈیز کے خلاف آسٹریلوی بیٹر عثمان خواجہ کا آؤٹ بولر کے ری ایکشن کی وجہ سے یادگار بن گیا۔ آسٹریلیا کے خلاف اپنے ڈیبیو ٹیسٹ میچ میں پہلی وکٹ لینے پر ویسٹ انڈیز کے بولر کیون سنکلیئر نے منفرد انداز میں جشن منایا۔
THIS CELEBRATION OF KEVIN SINCLAIR IS SPECIAL…!!! 🤯💥pic.twitter.com/jL1nerfuUK
— Mufaddal Vohra (@mufaddal_vohra) January 26, 2024
ویسٹ انڈیز کی جانب سے پہلا ٹیسٹ کھیلنے والے کیون سنکلیئر کی گیند پر عثمان خواجہ کیچ آؤٹ ہوئے۔ پہلی ٹیسٹ وکٹ لینے پرکیون کی خوشی منانے کا انداز سوشل میڈیا پر وائرل ہو گیا۔ ان دنوں ویسٹ انڈیز کرکٹ ٹیم آسٹریلیا کے دورے پر ہے۔برسبین میں کھیلے جارہے سیریز کے دوسرے ٹیسٹ میچ میں آسٹریلیا ویسٹ انڈیز کے پہلی اننگز کے اسکور 311 رنز کے جواب میں بیٹنگ کررہی تھی۔
ویسٹ انڈین اسپنر کیون سنکلیئر نے 75 پر بیٹنگ کرنے والے عثمان خواجہ کو کیچ آؤٹ کیا اور پہلی ٹیسٹ وکٹ کا جشن مناتے ہوئے کیون نے حیران کن طور پر ہوا میں قلابازیاں لگا کر جشن منایا۔ جسے گراؤنڈ میں بیٹھے شائقین نے کافی انجوائے کیا۔
