میامی ایئرپورٹ پر عملے نے سامان سے رقم چرا لی (وائرل ویڈیو دیکھیں)

امریکی ریاست فلوریڈا کے شہر میامی کے ایئرپورٹ پر اسکیننگ عملے نے چھپکے سے مسافروں کے سامان سے رقم نکالی، جس کی فوٹیج سوشل میڈیا پر وائرل ہو گئی ہے۔ میڈیا رپورٹس کے مطابق میامی ایئرپورٹ پر عملے کی چوری اس وقت بے نقاب ہو گئی، جب سی سی ٹی وی فوٹیج میں ایئرپورٹ عملے کو اسکیننگ کے دوران لوگوں کے بیگز سے پیسے نکالتے ہوئے دیکھا گیا۔

SEE IT: TSA agents at Miami International Airport caught stealing $600 from a passenger's wallet. I don't even know how to explain this. What could have gone wrong in their lives? WATCHpic.twitter.com/PQizKHDlRy

— Simon Ateba (@simonateba) September 14, 2023

دو سیکیورٹی اہلکار مہارت کے ساتھ خواتین اور مردوں کے بیگز سے پیسے نکال کر جیب میں رکھتے دکھائی دیتے ہیں، ویڈیو سامنے آنے کے بعد پولیس نے چوری کے الزام میں دونوں اہلکاروں کو گرفتار کر لیا ہے۔

اہلکاروں کا تعلق میامی ہوائی اڈے پر ٹرانسپورٹیشن سیکیورٹی ایڈمنسٹریشن (TSA) سے تھا، رپورٹس میں ان کی شناخت 20 سالہ جوسو گونزالیز اور 33 سالہ لیباریئس ولیمز کے طور پر ہوئی ہے، یہ واقعہ رواں سال جون میں پیش آیا تھا جس کے بعد دونوں کو گرفتار کیا گیا تھا۔