امریکہ میں خون کی ہولی، فائرنگ سے 2 افراد ہلاک، 28 زخمی، 3 کی حالت نازک

امریکہ کے شہر بالٹی مور میں اندھا دھند فائرنگ سے 2 افراد ہلاک جبکہ 28 بُری طرح زخمی ہو گئے جن میں سے 3 کی حالت نازک بتائی گئی ہے۔ فائرنگ کا واقعہ بروکلین ڈے ایونٹ میں پیش آیا۔ امریکی میڈیا کا کہنا ہے کہ فائرنگ کرنے والے شخص کا تاحال پتہ نہیں لگایا جا سکتا، شہر کے جنوب میں لوگ بروکلین ڈے کے موقع پر بڑی تعداد میں جمع تھے کہ ایک شخص نے آ کر اندھا دھند گولیاں چلانا شروع کر دیں۔
بالٹی مور کے بلاک پارٹی میں فائرنگ کے واقعے میں خاتون سمیت دو افراد ہلاک ہوگئے جب کہ 28 زخمی ہیں جن میں سے 3 کی حالت تشویشناک ہونے کے سبب ہلاکتوں میں اضافے کا خدشہ ہے۔