حیدرآباد (راست) نواب شاہ عالم خان کالج آف انجینئرنگ اینڈ ٹکنالوجی، ملک پیٹ میں بروز جمعرات یکم فروری 2024 کو کالج کیمپس میں صبح دس بجے تا شام چار بجے تک گلوبل ایجوکیشن فیئر 2024 کے سالانہ پروگرام کا انعقاد عمل میں لایا جارہا ہے۔
اس فیئر میں 15 سے زائد اوورسیز ایجوکیشن کنسلٹنٹس حصہ لے رہے ہیں جو امریکہ، برطانیہ، کینیڈا، آسٹریلیا، سنگاپور، نیوزی لینڈ، جرمنی اور آئرلینڈ کی مختلف عالمی یونیورسٹیوں میں اعلی تعلیم میں داخلے کے لیے رہنمائی اور مشاورت کی خدمات فراہم کریں گے۔
عام طورپر دیکھا گیا ہے کہ طلبہ بیرون ملک میں اعلیٰ تعلیم کا انتخاب کرتے ہوئے کورسیز اور یونیورسٹیوں کے بارے میں مناسب معلومات حاصل کرنے کے لیے جدوجہد کرتے نظرآتے ہیں۔ طلبہ کو تما م معلومات کی فراہمی،اوورسیز ایجوکیشن کنسلٹنٹس سے بات چیت اور براہ راست معلومات حاصل کرنے میں سہولت فراہم کرنے کیلئے گلوبل ایجوکیشن فیئرمنعقدکیاجارہا ہے۔
فیئر میں داخلہ مفت ہے۔بیرون ملک میں اعلیٰ تعلیم کے خواہشمند کالج کے طلبہ کے ساتھ ساتھ کالج سے باہر کے تمام طلبہ اور ان کے والدین بھی اس گلوبل ایجوکیشنل فیئرمیں حصہ لے سکتے ہیں۔مزیدتفصیلات کیلئے فون نمبر 9848058830 پرربط پیدا کیاجاسکتا ہے۔
