چین کے شمالی ضلع میں ریسٹورنٹ میں دھماکے سے 31 افراد ہلاک ہوگئے۔ یہ واقعہ اس وقت پیش آیا جب لوگ ’ڈریگن بوٹ فیسٹول‘ منانے کے لیے جمع ہوئے تھے۔ یہ چین میں ایک قومی تعطیل ہے جس میں کشتیوں کی ریس ہوتی ہے اور اس دوران موموس بنائے جاتے ہیں۔
میڈیا کے مطابق ریسٹوران میں گیس لیکیج کے باعث اس وقت دھماکہ ہوا جب رات کے اوقات لوگ بار بی کیو سے لطف اندوز ہورہے تھے۔ رپورٹ کے مطابق دھماکے کے بعد ریسٹوران میں آگ لگ گئی، جس سے 7 افراد شدید زخمی بھی ہوئے ہیں۔ حکام کا کہنا ہے کہ آگ پر قابو پالیا ہے، واقعہ کے سبب علاقے میں ٹریفک کا داخلہ بند کردیا گیا ہے۔
