حیدرآباد (دکن فائلز) ریلوے اسٹیشن پر تعینات خاتون پولیس اہلکار کی حاضر دماغی نے خاتون کو منہ کے موت سے نکال لیا۔ ا اطلاعات کے مطابق حیدرآباد کے بیگم پیٹ ریلوے اسٹیشن پر ریلوے پروٹیکشن فورس( آر پی ایف) کی خاتون کانسٹیبل نے ایک خاتون کی جان بچالی، واقعے کی ویڈیو تیزی سے وائرل ہورہی اور صارفین پولیس اہلکار کی حاضر دماغی پر اسے داد دے رہے ہیں۔
Hats off to Kumari Sanita whose readiness worked like a shield and protected a lady passenger from imminent danger at Begumpet railway station.#JeevanRaksha #WeServeAndProtect pic.twitter.com/1LwqFZdl1s
— RPF INDIA (@RPF_INDIA) May 31, 2023
وائرل ویڈیو میں دیکھا جاسکتا ہے کہ ٹرین نے بیگم پیٹ اسٹیشن نکلنے کے لئے وسل بجائی اسی دوران ایک خاتون جس کی شناخت سرسوتی کے نام سے ہوئی، چلتی ٹرین میں سوار ہونے کی کوشش کی۔ ٹرین نے اپنی رفتار تیز کی تو خاتون ٹرین میں چڑھنے کی کوشش میں لڑکھڑاگئی، عین موقع پر موجود کانسٹیبل سنیتا نے حاضر دماغی سے کام لیتے ہوئے خاتون کو پیچھے کی جانب دھکیل دیا اور خاتون کسی خوفناک حادثے سے بال بال بچ گئیں۔
اس ویڈیو نے کانسٹیبل کے بہادرانہ اقدامات کے لیے خاصی توجہ اور تعریف حاصل کی ہے،ویڈیو کو صرف ایک دن پہلے شیئر کیا گیا ہے جس کو اب تک ہزاروں لوگ دیکھ چکے ہیں جب کہ یہ پوسٹ متعدد لائکس اور تبصروں کے ساتھ کافی توجہ حاصل کرچکی ہے۔