تلنگانہ میں جنگاؤں ڈسٹرکٹ اسپتال میں ایک ہی دن میں 31 بچوں کی پیدائش ہوئی ہے، اسی طرح گزشتہ سال اسی اسپتال میں ایک ہی روز 36 بچوں کا جنم ہوا تھا۔
اطلاعات کے مطابق کے جنگاوں ڈسٹرکٹ اسپتال میں ایک دن میں 31 بچوں کی پیدائش ہوئی ہے۔ ان میں 17 بچوں کی پیدائش نارمل اور 14 بچوں کی بذریعہ آپریشن ہوئی ہے۔
اسپتال انچارج سپرنٹنڈنٹ ڈاکٹر سوگناکر راجو نے ریکارڈ تعداد میں زچگی پر ڈاکٹروں کو مبارکباد دی۔ وزیر صحت ہریش راؤ نے اسپتال کے ڈاکٹروں کی ستائش کی اور ان کو مبارکباد دی۔
واضح رہے کہ گزشتہ سال اسی اسپتال میں ایک ہی دن میں 36 بچوں کی پیدائش ہوئی تھی جو بچوں کی ایک ہی روز میں زچکی کے حوالے سے ایک ریکارڈ ہے۔
